Nömrəni dəyişmək üçün telefon nömrəsinin sahibi öz şəxsiyyət vəsiqəsi ilə "Azeurotel" və ya "Şəbəkə" xidmət məkəzinə müraciət etməlidir.

Nömrəni ləğv etmək üçün telefon nömrəsinin sahibi öz şəxsiyyət vəsiqəsi ilə "Azeurotel" və ya "Şəbəkə" xidmət məkəzinə müraciət etməlidir.

Müştərinin istifadəsində olan telefon nömrəsi müvafiq sənədlər təqdim edilib rüsum ödənildikdən sonra ailə üzvlərindən birinin və ya, mənzil satıldığı təqdirdə, digər şəxsin adına keçirilə bilinər.

Telefon nömrəsi dünyasını dəyişmiş şəxsin adından digər şəxsin adına keçirtmək üçün dünyasını dəyişən şəxsin ölüm haqqında şəhadətnaməsi, nömrənin adına keçiriləcəyi şəxsin şəxsiyyət vəsiqəsi, həmin şəxsin qeydiyyatı olmadığı halda mülkiyyət hüququnu təsdiq edən sənədlər təqdim olunmalıdır.

Müqaviləyə xitam verilməsindən sonra 2 ay ərzində nömrə digər abunəçilərə satılmır, yəni həmin müddətdə yenidən müraciət edən abunəçi (telefon çəkilişi tarifinə uyğun 30 AZN ödəniş edərək) əvvəlki nömrəsini əldə edə bilər.

Sabit (stasionar) telefon istifadəçiləri cari ayın 5-nə dək telefon borcunu öncədən ödəməlidir. Ödəniş edilmədiyi təqdirdə, ayın 6-dan etibarən xidmət birtərəfli qaydada dayandırılacaq və abunəçilər yalnız daxil olan zəngləri qəbul edə biləcəklər. Sonrakı bir ay ərzində borc ödənilmədiyi halda, abunəçiyə əlavə borc yazılmaması üçün telefon şəbəkədən çıxarılacaq. Şəbəkədən çıxarıldıqdan sonra, iki ay ərzində (borcun yaranmasından 4 ay sonra) abunəçi iki ayın abunə və istifadə edilmiş xidmətlərin haqqını ödəyərək, telefon xidmətini bərpa edə bilər. Əks halda, onunla bağlanan müqaviləyə xitam veriləcək.

Rabitə xidmətinin tarifləri haqqında məlumatı bu linkindən əldə edə bilərsiniz

Müqaviləyə əsasən aylıq abunə haqqı cari ay üçün ayın 1-dən 5-nə qədər tam ödənilməlidir.

Ödəniş üsulları: E-gov.az, GoldenPay, Hesab.az, easypay, kassam.az, banklar, ödəniş terinalları (Paypoint),  bilavasitə "Azeurotel"-in Baş ofisində  və "Şəbəkə" xidmət mərkəzində ödəniş edə bilərsiniz.

Abunəçi birdəfəlik ödənişi (2.00 AZN) və aylıq abunə haqqını (2.5 AZN) ödəməklə telefonunu müvəqqəti bağlayaraq abunəçiliyini saxlaya bilər.

Texniki dəstək almaq üçün Siz Vahid Çağrı Mərkəzi 155 nömrəsi ilə əlaqə saxlaya bilərsiniz.

Fərdi abunəçilər 

Mənzildə qeydiyyat olduqda, yalnız şəxsiyyət vəsiqəsi, mənzildə qeydiyyat olmadıqda, mülkiyyət sənədi və şəxsiyyət vəsiqəsi (etibarnamə);

Fiziki şəxslər (Fərdi sahibkarlar) 

Şəxsi mülkiyyət olarsa, şəxsiyyət vəsiqəsi, mülkiyyət sənədi, VÖEN, şəxsi mülkiyyət olmazsa, şəxsiyyət vəsiqəsi, icarə müqaviləsi, VÖEN;

Hüquqi şəxslər 

Yazılı müraciət (məktub), VÖEN, dövlət reyestrindən çıxarış, icarə müqaviləsi (mülkiyyətçi olmadıqda) və ya mülkiyyət sənədi (mülkiyyətçi olduqda) ilə müraciət edir və bu sənədlər əsasında müştəri ilə müqavilə bağlanır.

Müştəri xidmətlərimizlə birbaşa 155 Vahid Çağrı Mərkəzi ilə əlaqə saxlamaq olar.